१.२५ कोटी महिलांच्या खात्यावर १ हजार रुपये जमा होणार! वाचा सविस्तर
10 Jun 2023 11:37:13
भोपाळ : मध्य प्रदेशचे मुख्यमंत्री शिवराज सिंह चौहान यांनी महिला सक्षमीकरणाच्या दिशेने एक मोठे पाऊल उचलले आहे. केंद्रीय नागरी विमान वाहतूक मंत्री ज्योतिरादित्य सिंधिया यांनीही महिलांच्या स्वप्नांच्या उड्डाणाला नवा सन्मान मिळाल्याची माहिती दिली आहे. मध्य प्रदेश सरकारच्या 'मुख्यमंत्री लाडली बेहन योजने' अंतर्गत राज्यातील महिलांच्या खात्यात १००० रुपये जमा केले जाणार आहेत.त्यामुळे १० जून हा दिवस मध्य प्रदेशातील महिलासाठी ऐतिहासिक असल्याचे म्हटले जात आहे.
मुख्यमंत्री शिवराज सिंह चौहान यांनी एक व्हि़डीओ आपल्या ट्विटरवर अकाऊंटवर शेअर करत म्हणले आहे की, “माझ्या बहिणींनो, आज माझ्या आयुष्यातील सर्वात आनंदाचा दिवस आहे. आज लाडली बेहन योजनेअंतर्गत तुमच्या खात्यात एक हजार रुपये जमा होतील. तसेच, जबलपूर येथे संध्याकाळी ६ वाजता संपूर्ण राज्यात मी तुमच्याशी थेट आणि अक्षरशः माझ्या मनापासून बोलणार आहे."त्यामुळे मध्य प्रदेश सरकार मुली आणि महिलांसाठी अनेक योजना आणत आहे.
यावेळी राज्यातील महिलांनी रॅलीही काढली.दि.१० जून रोजी अनेक जिल्ह्यांमध्ये प्रभातफेरी काढण्यात आली. यावेळी अधिकारीही त्यांच्यासोबत राहिले. टिकमगड येथील एका मंदिरातही दीपोत्सव कार्यक्रमाचे आयोजन करण्यात आले आहे. कुठे फटाक्यांची आतषबाजी होत आहे तर कुठे महिला संमेलन आयोजित करून भाजप सरकारचे आभार मानले जात आहे.
राजधानी भोपाळमध्ये आयोजित कार्यक्रमात सीएम चौहान महिलांच्या खात्यात १००० रुपये पाठवणार आहेत. पहिली मासिक आर्थिक मदत रक्कम एका क्लिकद्वारे महिलांच्या आधार लिंक्ड 'डायरेक्ट बेनिफिट ट्रान्सफर' सक्षम बँक खात्यांना पाठवली जाईल. एकूण १.२५ कोटी महिलांच्या खात्यावर ही रक्कम पाठवली जाईल, ज्यामुळे त्यांना आर्थिक बळ मिळेल.