मुंबईकरांच्या परवडणाऱ्या घरांसाठी फडणवीस कायम आग्रही!

मुंबई : राज्य सरकारतर्फे मंत्रीमंडळ बैठकीत महापालिका क्षेत्रासाठी नागरी नुतनीकरण योजनेत क्लस्टर विकासासाठी फंजिबल एफएसआय आणि ५० टक्के सवलत देण्याचा निर्णय घेण्यात आला. मुंबईकरांसाठी परवडणारी घरे तयार व्हावीत, त्यांच्यावर हक्काचे घर सोडून शहराबाहेर विस्थापित होण्याची वेळ येऊ नये, यासाठी उपमुख्यमंत्री देवेंद्र फडणवीस आग्रही असल्याचे म्हणत 'एलोरा प्रोजेक्ट कन्सल्टंट्स'चे संचालक जितेंद्र देऊळकर यांनी या निर्णयाचे स्वागत केले.

फडणवीसांनी घेतलेल्या या निर्णयामुळे मुंबई शहरातील नियोजनबद्ध पूर्नविकास शक्य होणार असून रुंद रस्ते, मैदाने आणि पर्यायाने मोठ्या जागाही उपलब्ध होणार आहेत, अशी माहिती दै. 'मुंबई तरुण भारत'शी बोलताना त्यांनी दिली. "फडणवीसांच्या या घोषणेमुळे मुंबईतील पूर्नविकास प्रकल्पांना गती मिळेलच शिवाय घरांच्या चटई क्षेत्रफळातही वाढ होईलच तसेच पार्किंगसह इमारतींतील सार्वजनिक वापराच्या जागाही वाढतील तसेच अन्य सोयीसुविधा मिळण्याचा मार्गही मोकळा होणार आहे, अशी माहिती जितेंद्र देऊळकर यांनी दिली आहे. 

⦁ प्रकल्पांची प्रार्थमिक गुंतवणूक निम्म्यावर आल्याने पूर्नविकास प्रकल्प व्यवहार्य होईल

⦁ अधिभारात घट झाल्यास घरांच्या किंमतीही कमी होणार