शिकाऱ्यांनी घेतला ‘फॉरेस्ट गार्ड’चाच जीव
23 May 2023 15:20:11
मुंबई (विशेष प्रतिनिधी): ओडिशा राज्यातील बारीपाडा येथे असलेल्या सिमिलीपाल व्याघ्र प्रकल्पामध्ये शिकाऱ्यांकडुन फॉरेस्ट गार्डचा मृत्यु झाला आहे. बिमल कुमार जेना असे मृत वनरक्षकाचे नाव असुन भारतातील वन्यजीवांचे रक्षण करण्यासाठी तैनात असताना त्यांच्यावर हल्ला झाल्याचे समजले आहे.
पिथाबाटाची दक्षिण क्षेणी आणि नाना उत्तर क्षेणीच्या वनक्षेत्रात वनरक्षक पथकासह गस्त घालत असताना शिकाऱ्यांचा एक गट आढळुन आला. या गटाने घटनीस्थळावरुन पळुन जाण्याच्या प्रयत्नात गोळ्या झाडल्या तेव्हा जेना यांना छातीत गोळी लागली, अशी माहिती सुत्रांकडुन मिळाली आहे.
दरम्यान, ही माहिती जेना यांच्या पत्निला कळताच त्यांच्या तब्येतीवर परिणाम होऊन त्यांना रुग्णालयात दाखल करण्यात आले होते, अशी माहिती देण्यात आली आहे.
या संबंधी केंद्रीय पर्यावरण, वन आणि हवामान बदल मंत्री भुपेंद्र यादव यांनी ट्वीट करत शोक व्यक्त केला आहे.
Saddened to share that forest guard Shri Bimal Kumar Jena was killed by poachers in the Similipal Tiger Reserve of Odisha.
— Bhupender Yadav (@byadavbjp) May 23, 2023
Jena died in the line of duty trying to protect India’s wildlife. We remain indebted for his sacrifice.
May his soul rest in eternal peace.
ॐ शांति