युएनच्या मुख्यालयात बाबासाहेबांचा पुतळा उभारणार!

त्यावेळी त्यांच्या समवेत त्यांच्या पत्नी सौ. सीमा आठवले व पुत्र जीत आठवले उपस्थित होते. संयुक्त राष्ट्र संघ मुख्यालय परिसरात महामानव डॉ बाबासाहेब आंबेडकरांचा पुतळा उभारण्यासाठी आपण भारत सरकार तर्फे प्रयत्न करू असे रामदास आठवले यांनी न्यूयॉर्क मधून कळविले आहे. युनो हे जगभरातील सर्वात मोठे आंतरराष्ट्रीय संघटन आहे. संयुक्त राष्ट्र संघ (युनायटेड नेशन) यामध्ये जगभरातील १९३ देश सदस्य आहेत. अमेरिकेतील न्युयॉर्क मध्ये युनोचे मुख्य कार्यालय आहे. या कार्यालयातील सभागृहात युनोची बैठक होत असते. आणि या सभेला जगभरातील १९३ देशाचे राष्ट्राध्यक्ष, प्रधानमंत्री युनोच्या या कार्यालयात उपस्थित राहत असतात. या सभागृहाला आज रामदास आठवले यांनी भेट दिली आणि पाहणी केली. या परिसरातील नेल्सन मंडेला यांचा पुतळा आणि महात्मा गांधी यांच्या पुतळयाची पाहणी करुन रामदास आठवले यांनी त्यांना अभिवादन केले.