नागपुर : काँग्रेसमधून निलंबित असलेल्या आशिष देशमुख यांची उपमुख्यमंत्री देवेंद्र फडणवीस आणि भाजप प्रदेशाध्यक्ष चंद्रशेखर बावनकुळे यांनी त्यांच्या घरी जाऊन भेट घेतली. एक तास चाललेल्या या भेटीनंतर आशिष देशमुख यांनी ही सदिच्छा भेट होती, फडणवीस हे विदर्भाचा विकास घडवणारे एकमेव नेते आहेत आणि पक्ष विरहित संस्कृतीच्या नात्याने ते माझ्याकडे आले होते अशी प्रतिक्रिया दिली.
आगामी २०२४ च्या विधानसभा निवडणुकीत नागपुर जवळच्या सावनेर मतदारसंघातुन आशिष देशमुख यांना भाजपाचं तिकीट मिळणार का? अशी चर्चा आहे. आशिष देशमुख यांना काँग्रेसमधून तात्पुरतं निलंबित केलं आहे. तसंच, सावनेरमध्ये सध्या भाजपचा आमदार नाही. त्यामुळे यंदा देशमुखांना संधी मिळणार का? असा प्रश्न उपस्थित होत आहे.