युवकांपर्यंत पोहोचण्यासाठी भाजपचा नवा फंडा

मुंबई : राज्यातील आणि देशातील युवकांची वाढती संख्या लक्षात घेता भाजपकडून युवकांना आकर्षित करण्यासाठी प्रयत्न सुरु करण्यात आले आहेत. युवक मतदारांना साद घालण्यासाठी भाजपकडून मुंबईत युवा संवाद मेळाव्याचे आयोजन करण्यात आले असून या मेळाव्याच्या माध्यमातून युवकांशी सुसंवाद आणि संपर्क करण्याचा भाजपचा प्रयत्न असणार आहे. विशेष बाब म्हणजे भाजपचे राष्ट्रीय अध्यक्ष जे पी नड्डा हे या मेळाव्याला उपस्थित राहणार असल्याचे भाजपकडून सांगण्यात आले आहे. युवा संवाद मेळाव्यातून युवकांना करिअर विषयी मार्गदर्शन करण्यात येणार असल्याचे सांगण्यात आले आहे.