'या' कारणामुळे देशभरात उष्णतेची लाट

 

पुढील काही दिवस देशभरातील तापमान दोन ते चार अंश सेल्सियसने वाढणार आहे. त्या दरम्यान, राज्यातील पाराही चढताच राहणार आहे. त्यात काही भागात तापमानात हळूहळू वाढ अपेक्षित असून तुरळक ठिकाणी पाऊस पडणार असल्याचेही हवामान विभागाने म्हटले आहे.

राज्यात पुढील दोन दिवस तापमानाचा पारा वाढणार असल्याचे हवामान विभागाने सांगितले. दोन ते तीन अंशाने ही तापमान वाढ होणार असून पुढील काही दिवसात राज्यात ढगांच्या गडगडासह वादळी पाऊसही होणार असल्याचे हवामान विभागाने म्हटले आहे. राज्यातील तापमानात सातत्याने वाढ होत असून काही शहरांमध्ये तापमानाने ४०शी पार केली आहे. विदर्भात सलग सहाव्या दिवशी तापमानाने उच्चांक गाठला आहे. त्यात नागपूर, अमरावती आणि बुलढाणा या शहरांतील तापमान ४० च्या आसपास नोंदले गेले आहे.