ठाण्यात अग्निशमन सेवा सप्ताहास आरंभ

मुंबई बंदरात १४ एप्रिल, १९४४ रोजी लागलेल्या आगीत ७१ अग्निशमन जवान शहीद झाले होते. त्यांच्या स्मरणार्थ अग्निशमन दिन साजरा केला जातो. त्या निमित्ताने १४ एप्रिल ते २१ एप्रिल या काळात ठाणे अग्निशमन दलातर्फे शहरभर विविध कार्यक्रमांचे आयोजन करण्यात आले आहे. त्यात, विविध आस्थापना, सोसायटी येथे अग्निसुरक्षेबाबतची प्रात्यक्षिके करण्यात येतील. त्याचप्रमाणे विवियाना मॉल येथे प्रदर्शनाचेही आयोजन करण्यात आले आहे.