आरटीई प्रवेशाची पहिली यादी जाहीर

आरटीई अंतर्गत ठाणे जिल्ह्यातील वंचित, दुर्बल घटकातील मुलांसाठी अनुदानित आणि विना अनुदानित शाळांमध्ये २५ टक्के ऑनलाइन प्रवेश प्रक्रिया राबविण्यात येते.ठाणे जिल्ह्यात आरटीई अंतर्गत प्रवेशासाठी यंदाच्या शैक्षणिक वर्षाकरिता ६२९ पात्र शाळांमधुन १२ हजार २६७ जागा उपलब्ध आहेत. तेव्हा, ज्या बालकांची पहिल्या यादीमध्ये निवड झाली आहे, अशा बालकांच्या पालकांना मोबाईलवर एसएमएसही आला असेल.

प्रवेशपात्र बालकांच्या पालकांना अर्ज करताना नोंदवण्यात आलेल्या मोबाईल क्रमांकावर एसएमएस प्राप्त झाले असतील. परंतु, फक्त एसएमएसवर विसंबून न राहता आरटीई पोर्टलवर 'अर्जाची स्थिती ' या टॅबवर अर्ज क्रमांक टाकुन आपल्या पाल्याची निवड झाली आहे अथवा नाही, याची खात्री करून घ्यावी. अशा सूचना शिक्षण विभागाने पालकांना दिल्या आहेत. तसेच प्रवेश प्रक्रियेतील अडचणींसाठी संबंधित तालुका / मनपा कार्यक्षेत्रातील सक्षम अधिकाऱ्यांशी संपर्क साधण्याचे आवाहन शिक्षण विभागाने केले आहे.