महिला दिनानिमित्त अखिल भारतीय महिला लोककला सन्मानाने सेवा विवेकच्या महिला सन्मानित !

सेवा विवेक सामाजिक संस्था गेल्या अनेक वर्षांपासून महिला सक्षमीकरणासाठी पालघर जिल्ह्यातील आदिवासी गरुजू महिलांना घर काम सांभाळून त्यांना आर्थिक हातभार लाभावा त्यांना सन्मान जनक रोजगार प्राप्त होवा ह्यातूने सेवा विवेक ने पुढाकार घेतला आहे. आज प्रयन्त शेकडो महिलांना बांबू हस्तकला प्रशिक्षण देऊन रोजगार मिळवून दिला आहे. आज ह्या आदिवासी महिलांनी बांबू हस्तकलेपासून तयार केलेल्या वस्तू जगाच्या बाजारात विकल्या जात आहेत. ॲमेझॉन, फ्लिपकार्टवर दिसणाऱ्या बांबुचे, वेताचे पेन स्टॅण्ड, मोबाईल होल्डर, मेकअप बॉक्स किंवा अनेक लहान मोठ्या वस्तू या पालघर जिल्ह्यातील अनेक गावात तयार झालेल्या आहेत. आदिवासी पाड्यांवर तयार होणाऱ्या आणि आदिवासी समाजाच्या उत्थानासाठी उपयुक्त ठरणाऱ्या रोजगार निर्मितीचे साधन ठरणाऱ्या अनेक वस्तू आता ऑनलाईन अर्थात जगाच्या पाठीवर पोहचल्या आहेत .


पालघर जिल्यातील विविध गावात तयार होणाऱ्या वस्तू सेवा विवेक च्या माध्यमातून ऑनलाईन बाजारपेठतहि उपलब्ध आहेत. बांबूपासून अनेक उपयुक्त आणि शोभेच्या वस्तू तयार करण्याचे प्रशिक्षण सेवा विवेक संस्थेने आदिवासी महिलांना दिले आहे. सेवा विवेक सामाजिक संस्थेतच प्रशिक्षण घेऊन मग प्रशिक्षक झालेल्या १० ते १२ महिलांनी आतापर्यंत शेकडो आदिवासी महिलांना या वस्तु तयार करण्याचे प्रशिक्षण दिले आहे. या महिलांच्या कार्याचा पंतप्रधान श्री. नरेंद्र मोदी यांनी मन की बात या कार्यक्रम मध्ये कौतुक केले होते.