पर्यटन विकासासाठी चौकटीबाहेर विचार आवश्यक : पंतप्रधान

“सुविधांमध्ये वाढ झाल्याने पर्यटकांमध्ये आकर्षण वाढते,” असे पंतप्रधानांनी सांगितले. त्यासाठी वाराणसीतील काशिविश्वनाथ धामचे त्यांनी उदाहरण दिले. ते पुढे म्हणाले, “मंदिराच्या पुनर्बांधणीपूर्वी सुमारे ८० लाख लोक मंदिराला भेट देत होते. परंतु,नूतनीकरणानंतर गेल्या वर्षी पर्यटकांची संख्या सात कोटींच्या पुढे गेली. केदारघाटी पुनर्निर्माणाचे काम पूर्ण होण्यापूर्वी केवळ चार-पाच लाखांच्या तुलनेत पुनर्निर्माणानंतर १५ लाख भाविक बाबा केदारनाथांच्या दर्शनासाठी गेले. सुविधांमधील वाढीचा थेट परिणाम पर्यटकांच्या संख्येवर होतो आणि वाढत्या संख्येचा अर्थ रोजगार आणि स्वयंरोजगाराच्या अधिक संधी आहेत,” असे पंतप्रधानांनी नमूद केले.