शोभायात्रेच्या निमित्ताने जल साक्षरता अभियानाचे आयोजन

डोंबिवली : डोंबिवलीतील श्री गणेश मंदिर संस्थान येथे आयोजित करण्यात आलेल्या या जलसाक्षरता अभियानाला डोंबिवलीकरांचा उत्स्फूर्त प्रतिसाद लाभला.

 

जागतिक जल दिनाचे (दि. २२ मार्च) औचित्य साधून पर्यावरण दक्षता मंडळ, श्री लक्ष्मीनारायण संस्था, ऊर्जा फाऊंडेशन आणि स्वच्छ डोंबिवली अभियान (विवेकानंद सेवा मंडळ, डोंबिवली) यांच्या संयुक्त विद्यमाने शनिवारी जलसाक्षरता अभियानाचे आयोजन करण्यात आले होते. जल संवर्धक विषयक पोस्टर्स, पर्जन्य जल संधारण विषयक लघूचित्रपट आणि उपस्थित नागरिकांशी संवादाद्वारे जल साक्षरता अभियानात जलसंवर्धन विषयक जनजागृती करण्यात आली.

कार्यक्रमाच्या अखेरीस उपस्थित डोंबिवलीकरांना जलसंवर्धन आणि जलसाक्षरतेचे महत्त्व विषद करणारी प्रतिज्ञा देण्यात आली. या अभियानाच्या आयोजनास श्री गणेश मंदिर संस्थान, डोंबिवली यांचे बहुमूल्य सहकार्य लाभले.