पंतप्रधान मोदी शांततेच्या नोबेलचे सर्वात मोठे दावेदार

 

 

नवी दिल्ली : रशिया आणि युक्रेन युद्धामुळे संपूर्ण जगात तणावाची स्थिती निर्माण झाली असून हे युध्द थांबवण्याच्या भारताच्या प्रयत्नांचे नोबेल पारितोषिक समितीने कौतुक केले आहे. नोबेल समितीचे उपनेते असल तोजे म्हणाले की, भारताचे पंतप्रधान नरेंद्र मोदी यांनी ज्या पद्धतीने रशियाच्या राष्ट्राध्यक्षांना युद्ध रोखण्याबाबत समजावून सांगितले ते कौतुकास्पद आहे. त्यांनी कोणतीही धमकी न देता आण्विक युद्धाच्या परिणामांबद्दल कठोर संदेश दिला, आंतरराष्ट्रीय राजकारणात आपल्याला अशा नेत्यांची गरज असल्याचेही त्यांनी नमूद केले आहे.

पंतप्रधान नरेंद्र मोदी यांचे कौतुक करताना समितीचे उपनेते तोजे म्हणाले, भारतीय पंतप्रधान नोबेल शांतता पुरस्काराचे प्रबळ दावेदार असू शकतात. मोदी हे अत्यंत विश्वासू नेते आहेत, जे शांतता प्रस्थापित करू शकतात. मोदी हे जगातील मोठ्या राजकारण्यांपैकी एक आहेत आणि ते शांततेसाठी मोठे योगदान देत आहेत. ’हे युद्धाचे युग नाही’ असे रशियाचे अध्यक्ष पुतीन यांना सांगितल्याबद्दल असल तोजे यांनी पंतप्रधान मोदींचे कौतुक केले.