शरीरप्रकृती आणि रोगप्रवण स्थिती भाग-३२

 

ज्यावेळी एखाद्याला बद्धकोष्ठता असेल, तरीही जर पोटभर खाणे खाल्ले, तर अशावेळी पचन संस्थेवर ताण पडतो व अन्नाचे पचन नीट होत नाही व आम तयार होतो. मानसिकतेचाही या ‘आम’ (टॉक्सिन्स) तयार होण्यावर परिणाम होत असतो.जर एखादा माणूस भावनिकदृष्ट्या त्रासलेला किंवा बेचैन असेल आणि त्याने भावनिक असमतोल असताना भरपूर प्रमाणात भोजन केले, तर अशावेळी शरीरातील आम्ल व इतर पाचक द्रव्ये बरोबर स्रवत नाहीत व त्यामुळे अन्नाचे पचन होत नाही. उदाहरणार्थ - ज्या लोकांंना उदासीनता, डिप्रेशन किंवा काही मानसिक आजार असतात, अशी लोक या स्थितीत अतिप्रमाणात अन्नाचे सेवन करतात, असे लक्षात आले आहे. आणि अशा अतिप्रमाणात खाण्याने स्थूलता येते, अशा लोकांना आमवात होण्याचेही प्रमाण जास्त असते.

 

 

-डॉ. मंदार पाटकर