...अन मुख्यमंत्री पदावरून जावे लागले...

ठाणे : “मराठीसाठी आम्ही जेव्हा आंदोलने करीत होतो. तेव्हा हे घरात चिंतन करीत बसले होते, यांचे हिंदुत्व म्हणजे जपमाळ आहे. अयोध्या दौर्‍यावेळी राजकारण करणार्‍यांचे काय झाले. त्यांना मुख्यमंत्री पदावरून जावे लागले. तेव्हा, माझ्या वाट्याला जाऊ नका,” अशी खिल्ली उद्धव ठाकरे यांचे नाव न घेता मनसे अध्यक्ष राज ठाकरे यांनी उडवली. तसेच, डिजिटल प्रचाराचा नारळ फोडून आपण सत्तेपासून दूर नसल्याचे सांगून राज यांनी मनसैनिकांना आश्वस्त केले. गुरुवारी महाराष्ट्र नवनिर्माण सेनेच्या १७व्या वर्धापन दिनानिमित्त ठाण्याच्या गडकरी रंगायतन येथे आयोजित सोहळ्यात ते बोलत होते.