एमपीएससीसंदर्भात फडणवीसांचे महत्तवाचे विधान!

मुंबई : एमपीएससीसंदर्भात गृहमंत्री देवेंद्र फडणवीसांनी महत्तवाचे विधान केलेय. फडणवीस म्हणाले की, 'एमपीएससीसंदर्भात राज्य सरकारने तत्परतेने निर्णय घेऊन नवा पॅटर्न २०२५ पासून लागू करण्यासंदर्भात एमपीएससीला विनंती केली होती. तसेच महाराष्ट्रात एमपीएससी ही स्वायत्त संस्था आहे, आम्ही त्यांना निर्देश देऊ शकत नाही, विनंती करु शकतो. त्यांनी आमचे पत्र संपूर्ण सदस्यांपुढे ठेवले पण त्यांचे मत चालूवर्षीपासून पॅटर्न लागू करण्यासंदर्भात होते. त्यानंतर पुन्हा मुख्यमंत्री एकनाथ शिंदे यांनी फेरविनंती केली. त्यामुळे राज्य सरकारकडून सातत्याने पाठपुरावा केला जातो आहे. आमच्या विनंतीला ते मान देतील, अशी खात्री आहे. पण, तरी गरज पडलीच तर न्यायालयात जावे लागेल. कारण, विद्यार्थी हित सर्वोच्च आहे. विद्यार्थी हे उद्याचे भविष्य आहे,'' असेही देवेंद्र फडणवीस यांनी सांगितले.