सर्वात शक्तिशाली रेल्वे इंजिनची महाराष्ट्रात देखभाल

मुंबई : देशातील रेल्वे वाहतूक जलद व्हावी आणि नागरिकांचा प्रवास अधिक जलद गतीने पूर्ण व्हावा यासाठी भारतीय रेल्वेच्या माध्यमातून अद्ययावत तंत्रज्ञानाचा वापर वाढविण्यावर भर देण्यात येत आहे. ही तांत्रिक प्रगती साधत असताना 'मेक इन इंडिया' तत्वावर भारतीय उपकरण निर्मितीवर देखील भर देण्यात येत आहे. याच पार्श्वभूमीवर महाराष्ट्रातील नागपूर डेपो येथे देशातील सर्वात शक्तिशाली इंजिन डब्लूएजी १२बी इलेक्ट्रिक इंजिनची यशस्वीरित्या देखभाल केली जात आहे. भारतीय रेल्वेच्या या 'मेक इन इंडिया' प्रकल्पामुळे देशातील रेल्वे पायाभूत सुविधांसाठीच्या विकासात अत्याधुनिक तंत्रज्ञानासह भर पडली आहे.