अभिनेत्री तनुजा यांना रुग्णालयातून मिळाला डिस्चार्ज

 

 

मुंबई : ज्येष्ठ अभिनेत्री तनुजा यांची प्रकृती खालावल्यामुळे त्यांना मुंबईतील जुहूमधील रुग्णालयात दाखल करण्यात आले होते. आता त्यांची प्रकृती सुधारली असून त्यांना डिस्चार्ज देण्यात आला आहे. अभिनेत्री तनुजा यांनी प्रामुख्याने हिंदी आणि बंगाली भाषेतील मनोरंनसृष्टीच अनेक चित्रपटांमध्ये काम केले.

 

 

 

तनुजा यांनी बालकलाकार म्हणून आपल्या बहिण नुतन हिच्यासोबत अभिनयाचा प्रवास सुरु केला होता. १९५० साली आलेल्या हमारी बेटी या चित्रपटापासून तनुजा यांनी कलेचा प्रवास सुरु केला. त्यावेळी त्यांना बेबी तनुजा या नावाने ओळखले जात होते. त्यानंतर १९६० साली छबीली या चित्रपटातून त्यांनी प्रमुख नायिका साकारली ज्याचे दिग्दर्शन त्यांच्या आई आणि बहिणीने केले होते. पुढे त्यांची अभिनयाची कारकिर्द अविरतपणे सुरुच राहिली. ‘मेम दीदी’, 'बहारों फिर भी आएंगी', 'ज्वेल थीफ', 'हाथी मेरे साथी', ‘खाकी’, ‘भुत’, ‘साथिया’, ‘यादगार’, अशा अनेक चित्रपटांमधील त्यांच्या भूमिका गाजल्या.