गळ्यात पाटी अन्... गाईंची तस्करी करणाऱ्या मोहम्मद आलमने केले आत्मसमर्पण!

आलमवर गुन्हा दाखल होताच तो फरार झाला होता. त्याच्या शोधासाठी पोलिस सातत्याने छापे टाकत होते. कठोर कायदेशीर कारवाईच्या भीतीने, त्याने दि.१८ डिसेंबर २०२३ रोजी बदाऊनमधील हाजा पोलिस स्टेशन गाठले आणि आत्मसमर्पण केले.गळ्यात फलक घेऊन आलम पोहोचला होता. या फलकावर लिहिले होते, “मी, मोहम्मद आलम, नूर मोहम्मद यांचा मुलगा, खैरपूर खैराटी पोलिस स्टेशन, सहस्वान, बदायुन गुंड प्रकरणात पोलिसांसमोर आत्मसमर्पण करत आहे. आता मी कधीही गायींची कत्तल करणार नाही, योगीबाबा कृपया माझे रक्षण करा."

 

आलमवर यापूर्वी सहापेक्षा अधिक गुन्हे दाखल आहेत. त्याच्या टोळीत ५ लोक होते जे गोवंश तस्करी आणि गोहत्या करायचे, त्यापैकी ४ जणांना पोलिसांनी अटक करून कारागृहात पाठवले आहे. आलम फरार झाल्यानंतर त्याच्या घरासह इतर ठिकाणी छापे टाकले असता त्याने पोलिसांसमोर आत्मसमर्पण केले. पोलीस आता आलमला न्यायालयात हजर करून पुढील कारवाई करणार आहेत.

अलीकडच्या काळात उत्तर प्रदेशात गोवंश तस्करांवर कडक कारवाई करण्यात आली आहे. पोलिसांशी झालेल्या चकमकीत काही गुरे तस्कर जखमी झाले आहेत तर अनेकांच्या मालमत्ता जप्त करण्यात आल्या आहेत. या कारवाईच्या भीतीने आलमने आत्मसमर्पण केले आहे.