पंतप्रधानांच्या पुणे दौऱ्यावेळी घातपाताचा कट! महेश लांडगेंचा गौप्यस्फोट

नागपूर : पंतप्रधान नरेंद्र मोदी आणि गृहमंत्री अमित शाह यांच्या दौऱ्यापुर्वी पुण्यात घातपाताचा कट असल्याचा गौप्यस्फोट भाजप आमदार महेश लांडगे यांनी केले आहे. नागपूर येथे विधानपरिषदेचे हिवाळी अधिवेशन सुरु असून सोमवारी सभागृहात समाजवादी पार्टीचे नेते अबू आझमी आणि भाजप आमदार महेश लांडगे यांच्यात खडाजंगी रंगली.

यावर उत्तर देताना महेश लांडगे म्हणाले की, "१८ जुलै २०२३ रोजी पुण्यात पंतप्रधान आणि गृहमंत्री येणार होते. पण त्याच्या महिनाभराच्या आधी तिथे काही अतिरेकी कारवाया होणार असल्याच्या सुचना एनआयए आणि एटीएसला मिळाल्या होत्या. त्यानंतर त्यांनी यावर कारवाईदेखील केली. या कारवाईत त्यांनी मशीदीमध्ये छापा टाकून तिथे असलेल्या दहशतवाद्यांना ताब्यात घेतले होते. त्यामुळे एकट्या मुंबईमध्येच नाहीतर अशा चार ठिकाणी एनआयएने छापे टाकले असून ४० जणांना ताब्यात घेतले आहे," असे ते म्हणाले आहेत. म्हातारी मेल्याचं दु:ख नाही पण काळ सोकावता कामा नये. त्यामुळे आम्ही सगळे वेगवेगळ्या पक्षाचे आणि विचारांचे असलो तरी हा देश सुरक्षित रहायला हवा, असेही महेश लांडगे म्हणाले आहेत.