"प्रत्येक बहिणीच्या पाठिशी आनंद दिघेंसारखा भाऊ असावा", प्रसादची पोस्ट चर्चेत

    16-Nov-2023
Total Views |

prasad oak 
 
मुंबई : अभिनेता-दिग्दर्शक प्रसाद ओक याचा 'धर्मवीर: मुक्काम पोस्ट ठाणे' हा धर्मवीर आनंद दिघे यांच्या जीवनावर आधारित होता. याच चित्रपटाचा दुसरा भाग देखील लवकरच प्रदर्शित होणार आहे. एकीकडे चित्रपटाची चर्चा जोर धरु लागली असताना दुसरीकडे भाऊबीजेच्या निमित्ताने प्रसाद ओकने केलेली पोस्ट देखील प्रेक्षकांचे लक्ष वेधत आहे. प्रसाद ओक याने या पोस्टमध्ये प्रत्येक भाऊ हा आनंद दिघे यांच्यासारखा असावा असे म्हटले आहे.
 

prasad post 
 
 
प्रसादने इन्स्टाग्रामवर एक पोस्ट शेअर केली आहे. या पोस्टमध्ये त्याने धर्मवीर सिनेमातील आनंद दिघे यांच्या लूकमधील फोटो शेअर केला आहे. "भाऊबीजेच्या सणाचा उत्साह असाच कायम रहावा,प्रत्येक बहिणीच्या पाठिशी आनंद दिघेंसारखा भाऊ असावा", असं कॅप्शन प्रसादने या फोटोवर दिलं आहे. दरम्यान, प्रसादची ही पोस्ट सोशल मीडियावर तुफान व्हायरल होत आहे. मंगेश देसाई निर्मित आणि प्रवीण तरडे दिग्दर्शित ‘धर्मवीर २’ लवकरच प्रेक्षकांच्या भेटीला येणार आहे.
आता महाMTBच्या बातम्या आणि लेख मिळवा एका क्लिकवर. Facebook, Twitter, Instagram वर आम्हाला फॉलो करा, महाMTB You tube चॅनलला सबस्क्राईब करा. डाऊनलोड करा महाMTB App.