पोस्टात काम करण्याची सुवर्णसंधी! १० वी उत्तीर्णांना सरकारी नोकरीची मोठी संधी

मुंबई : भारतीय पोस्टांतर्गत विविध रिक्त पदांच्या भरतीकरिता अधिसूचना जारी करण्यात आली आहे. भारतीय पोस्टाद्वारे प्रसिध्द करण्यात आलेल्या अधिसूचनेनूसार विविध रिक्त पदांवर १० वी उत्तीर्णांपासून ते १२ वी पास उमेदवारांना अर्ज करता येणार आहे. या भरतीकरिता इच्छुक आणि पात्र उमेदवारांकडून अर्ज मागविण्यात येत आहेत.

भारतीय पोस्टाद्वारे करण्यात येणाऱ्या भरतीकरिता पोस्टल असिस्टंट/ सॉर्टिंग असिस्टंट, पोस्टमन / मेल गार्ड, मल्टी टास्किंग स्टाफ ही रिक्त पदे भरली जाणार आहेत. या पदभरतीसाठी उमेदवारांना अंतिम मुदत निश्चित करण्यात आली असून दि. ०९ डिसेंबर २०२३ असणार आहे.

तसेच, उमेदवारांसाठी वयोमर्यादा निश्चित करण्यात आली असून १९ ते २७ वर्षेदरम्यान असणार आहे. तर अर्जदारास अर्जाची फी १०० रुपये असेल. त्याचबरोबर या भरतीकरिता अर्ज हा ऑनलाईन पद्धतीने करावयाचा आहे. दरम्यान, पोस्टल असिस्टंट/ सॉर्टिंग असिस्टंट या पदाकरिता पदवीधर तर पोस्टमन / मेल गार्ड या पदासाठी १२ वी पास आणि मल्टी टास्किंग स्टाफ १० वी पास असणे बंधनकारक असणार आहे. तसेच, भारतीय पोस्टांतर्गत होणाऱ्या भरतीविषयक अधिक तपशील जाणून घेण्यासाठी अधिकृत वेबसाईटला भेट द्या.