आ. डावखरे यांच्या उपस्थितीत ‘नवदुर्गा सन्मान’
31 Oct 2023 15:25:34
ठाणे : नवरात्र उत्सव पार पडल्यानंतर सालाबादप्रमाणे यंदाही नवदुर्गांचा सन्मान सोहळा रविवार, दि. २९ ऑक्टोबर रोजी ‘राजे संस्कार प्रतिष्ठान’ने काशिनाथ घाणेकर नाट्यगृह ठाणे येथे आयोजित केला होता. सोहळ्याला प्रमुख पाहुणे म्हणून कोकण पदवीधर मतदार संघाचे आ. निरंजन डावखरे यांची उपस्थिती लक्षणीय ठरली.
‘राजे संस्कार प्रतिष्ठान’ या संस्थेमार्फत दरवर्षी विविध क्षेत्रांमध्ये उल्लेखनीय कामगिरी करणार्या नऊ महिलांचा ‘नवदुर्गांचा सन्मान’ या उपक्रमांतर्गत केला जातो. या वर्षीही अशाच विविध क्षेत्रात कार्य करणार्या आणि संघर्षमय जीवनास सामोरे जाऊन आपलीस्वप्न साकार केलेल्या नऊ महिलांचा सन्मान आ. निरंजन डावखरे यांच्या हस्ते करण्यात आला.
आदर्श विकास मंडळाचे अध्यक्ष सचिन मोरे, भाजप शिक्षक आघाडीचे कोकण विभाग संयोजक किशोर पाटील व स्लम सेलचे अध्यक्ष कृष्णा भुजबळ आदी उपस्थित होते. प्रास्ताविक संगीता रोकडे, सूत्रसंचालन साधना जाधव यांनी केले तर आभार प्रा. संभाजी शेळके यांनी मानले.
आदर्श विकास मंडळाचे अध्यक्ष सचिन मोरे, भाजप शिक्षक आघाडीचे कोकण विभाग संयोजक किशोर पाटील व स्लम सेलचे अध्यक्ष कृष्णा भुजबळ आदी उपस्थित होते. प्रास्ताविक संगीता रोकडे, सूत्रसंचालन साधना जाधव यांनी केले तर आभार प्रा. संभाजी शेळके यांनी मानले.
