कल्याण डोंबिवली महानगरपालिकेत थेट मुलाखतीद्वारे भरती जाणून घ्या कसा अर्ज कराल

मुंबई : कल्याण-डोंबिवली महानगरपालिकेतंर्गत विविध पदांसाठी भरती केली जाणार आहे. या भरतीसाठी इच्छुक आणि पात्र उमेदवारांकडून अर्ज मागविण्यात येत आहेत. कल्याण-डोंबिवली महानगरपालिकेकडून यासंदर्भात अधिसूचना जारी करण्यात आली आहे. यासाठी थेट मुलाखतीद्वारे भरती करण्यात येणार आहे.

कल्याण-डोंबिवली महानगरपालिकेंतर्गत होणाऱ्या भरतीद्वारे वैद्यकीय अधिकारी आणि स्टाफ नर्स ही रिक्त पदे भरली जाणार आहेत. या पदांच्या प्रत्येकी एकूण ७५-७५ रिक्त जागा भरण्यात येणार आहेत. तसेच, अर्जदारास शैक्षणिक पात्रता निश्चित करण्यात आली असून MBBS पदवी असणे बंधनकारक असणार आहे.

त्याचबरोबर, अर्जदाराची वयोमर्यादा ही १८ ते ७० वर्षेदरम्यान असणार आहे. तसेच, या पदभरतीकरिता थेट मुलाखत ही दि. ०३ नोव्हेंबर २०२३ असणार आहे. तर स्टाफ नर्स या पदासाठी शैक्षणिक पात्रता १२ वी उत्तीर्ण + GNM कोर्स असून भरतीसंदर्भात अधिक तपशील जाणून घेण्यासाठी अधिकृत वेबसाईटला भेट द्या.

मुलाखतीचा पत्ता - आचार्य अंत्रे रंगमंदिर, कॉन्फरन्स हॉल , पहिला मजला, कै. शंकरराव झुंझारराव संकुल सुभाष मैदान जवळ, शंकरराव चौक, कल्याण (पश्चिम), ता. कल्याण, जि. ठाणे.