सुमन साळगट : एक व्यक्तीचे अनेक पैलू

संस्थेच्या वृद्धाश्रमात त्या २०११ साली दाखल झाल्या. अतिशय शांत स्वभावाच्या सुमनताईंची दुसर्‍यांना मदत करण्याची वृत्ती कौतुकास्पद होती. मागील महिन्यात हॉस्पिटलमध्ये त्यांना अ‍ॅडमिट केले होते. त्यांना हृदयाचा त्रास होत होता. त्यांनी बॅनर्जी कुटुंबातील मुलाला सांभाळले होते आणि तो मुलगा आज अमेरिकेमध्ये मोठा हृदयरोगतज्ज्ञ आहे. त्यांनी अमेरिकेमधून फोन करून माई मंगेशकर हॉस्पिटलमधील डॉक्टरांशी चर्चा करून सल्ला दिला. त्यानंतर त्या बर्‍या झाल्या होत्या.

त्या नेहमी म्हणत असत, ‘मी गरीब आहे, माझ्याकडे साठविलेली रक्कम फार नाही. पण, माझ्या मृत्यूनंतर मी संस्थेला दान करणार आहे.’ अशा प्रकारचे इच्छापत्रच त्यांनी संस्थेला दिले होते. तसेच त्यांची काही वडिलोपार्जित जमीन गावाला आहे, ती जमीन संस्थेने शोधावी आणि संस्थेच्या कार्याला वापरावी, असे त्या म्हणत असत. अशा या संस्थेच्या खारुताईला संस्थेच्यावतीने भावपूर्ण श्रद्धाजंली...