शौर्याच्या पराकाष्ठेला वयाचे बंधन नसते !

 

 

 

 

पंतप्रधान नरेंद्र मोदी यांनी 9 जानेवारी 2022 रोजी गुरु श्री गोबिंद सिंह जी यांच्या प्रकाश पर्वानिमित्त तसेच साहिबजादा जोरावर सिंह जी आणि साहिबजादा फतेह सिंह जी यांच्या स्मृतिप्रीत्यर्थ 26 डिसेंबर हा दिवस 'वीर बाल दिवस' म्हणून साजरा करण्याची घोषणा केली होती. याच दिवशी साहिबजादा जोरावर सिंह जी आणि साहिबजादा फतेह सिंह जी यांना एका भिंतीत जिवंत गाडल्यामुळे ते शहीद झाले होते. या दोन्ही महान बालकांनी धर्माच्या तत्त्वांपासून विचलित होण्यापेक्षा मृत्यूला प्राधान्य दिले. त्यांची आई गुजरी, श्री गुरु गोविंद सिंह जी आणि चार साहिबजादांचे शौर्य आणि आदर्श लाखो लोकांना शक्ती प्रदान करतात. ते अन्यायापुढे कधी झुकले नाहीत. जग सर्वसमावेशक आणि सामंजस्यपूर्ण असावे, असे त्यांना वाटत होते.

 

 

 

'व्यक्तीपेक्षा विचार मोठा, विचारापेक्षा राष्ट्र मोठे', 'राष्ट्र प्रथम' चा मंत्र गुरु गोविंद सिंह जी यांचा दृढ संकल्प होता. ते लहान असतानाच राष्ट्र धर्माच्या रक्षणासाठी मोठे बलिदान देण्याची गरज आहे, असा प्रसंग निर्माण झाला. त्यांनी आपल्या वडिलांना सांगितले की आज तुमच्यापेक्षा महान कोण आहे ? तेव्हा हे बलिदान तुम्ही द्या. ते पिता झाले, तेव्हा राष्ट्र धर्मासाठी आपल्या मुलांचेही वलिदान देण्यात त्यांनी मागेपुढे पाहिले नाही. त्यांची मुले शहीद झाली तेव्हा ते आपल्या सहकाऱ्यांना म्हणाले - 'चार मूये तो क्या हुआ, जीवत कई हजारा' म्हणजे माझी चार मुले मरण पावली तर काय झाले? सोबत असलेले हजारो सहकारी, हजारो देशवासीय माझी मुलेच आहेत. 'राष्ट्र प्रथम' हे तत्त्व सर्वोच्च स्थानी ठेवण्याची ही परंपरा ही खूप मोठी प्रेरणा आहे.