Canada: स्वामीनारायण मंदिराच्या भिंतींवर भारतविरोधी घोषणा; भारताकडून तीव्र आक्षेप!

 

 

 

कॅनडा: काही भारतविरोधी घटकांनी टोरंटो येथील प्रसिद्ध स्वामी नारायण मंदिराचे नुकसान केले. भिंतींवर भारतविरोधी घोषणा लिहिल्या. मंदिर प्रशासनाने स्थानिक पोलिसांकडे तक्रार केली असून पोलिस या प्रकरणाचा तपास करत आहेत. मंदिराच्या भिंतीवर 'खलिस्तान झिंदाबाद' आणि 'भारत मुर्दाबाद'चे नारे लिहिलेले आहेत. भारत सरकारनेही या घटनेवर तीव्र आक्षेप घेतला आहे. आतापर्यंत कोणत्याही संघटनेने याची जबाबदारी स्वीकारलेली नाही, तसेच कोणी किंवा कोणत्या संस्थेने हा प्रकार घडवून आणला हेही कळू शकलेले नाही.

 

हे प्रकरण कॅनडाच्या अधिकाऱ्यांकडे घेऊन, ओटावा येथील भारतीय उच्चायुक्तांनी आरोपींवर कठोर कारवाई करण्याची मागणी केली आहे. भारतीय उच्चायुक्तांनी ट्विट केले की, 'टोरंटो येथील स्वामी नारायण मंदिराचे नुकसान आणि भारतविरोधी गोष्टी लिहिण्याच्या घटनेचा आम्ही तीव्र निषेध करतो. कॅनडाच्या अधिकाऱ्यांना या प्रकरणातील आरोपींवर त्वरीत आणि कठोर कारवाई करण्याचे आवाहन करण्यात आले आहे.