मुख्यमंत्र्यांवर मुंबई पोलीसांची कारवाई होणार?

 

काँग्रेस प्रदेशाध्यक्ष नाना पटोले आणि काँग्रेस नेते कमलनाथ यांनी मुख्यमंत्री कोरोना पॉझिटिव्ह असल्याबाबत माध्यमांशी बोलताना माहिती दिली होती. त्यावर मुख्यमंत्र्यांनी फेसबुक लाईव्हमध्ये पुष्टी दिली. संध्याकाळी मुख्यमंत्री वर्षावरून ठाकरे कुटुंबीयांसह मातोश्रीच्या दिशेने निघाले तेव्हा पत्नी रश्मी ठाकरे, मुलगा तेजस ठाकरे आणि आदित्य ठाकरे हे एका गाडीत होते तर मुख्यमंत्री दुसऱ्या गाडीत होते. मुख्यमंत्र्यांना समर्थन देण्यासाठी हजारो शिवसैनिक रस्त्याच्या दुतर्फा उभे होते. परंतु मुख्यमंत्री कोविड पॉझिटिव्ह असूनही ते वरळीत शिवसैनिकांना भेटण्यासाठी गाडीतून उतरले आणि त्यांच्या संपर्कात आले. एकूण पाहता त्यांनी कोविड नियमांचे उल्लंघन केल्यामुळे तेजिंदर पाल सिंह बग्गा यांनी त्यांच्या विरूद्ध तक्रार नोंदवली असून मुंबई पोलिसांकडूनही एफआयआर नोंदविण्यात आला आहे. त्यामुळे या प्रकरणी मुख्यमंत्र्यांवर आता कारवाई होणार का? असा प्रश्न सध्या उद्भवतो आहे.