आप आमदार अमानतुल्ला खान आणि पोलिसांमध्ये हाणामारी

शाहीन बाग: अतिक्रमण विरोधी मोहिम

    दिनांक  09-May-2022 13:58:48
|
sb
 
नवी दिल्ली: जहांगीरपुरीनंतर आता दिल्लीच्या शाहीन बागेत अतिक्रमणविरोधी मोहीम सुरू आहे. शाहीन बाग परिसरात अतिक्रमणविरोधी मोहिमेसाठी आणलेले बुलडोझर रस्त्यावर आणण्यात आले आहेत.
दिल्ली पोलिसांचे पथक पॅरा मिलिटरी फोर्ससह शाहीन बाग परिसरात दाखल झाले आहे, जिथे महापालिका अतिक्रमणविरोधी मोहीम सुरू करणार आहे. ताज्या वृत्तानुसार, परिसरातील अतिक्रमणविरोधी मोहिमेला विरोध करताना पोलीस कर्मचारी आणि स्थानिक रहिवाशांमध्ये हाणामारी झाली
आम आदमी पार्टी (AAP) आणि काँग्रेस दिल्लीच्या शाहीन बाग भागात जमीनदोस्त करण्याच्या कथित आदेशाला विरोध करणाऱ्या निदर्शकांमध्ये सामील झाले आहेत. "येथे कोणतेही अतिक्रमण नाही. कोणावरही अन्याय होणार नाही याची खातरजमा करण्यासाठी आम्ही येथे आहोत," असे आपचे माजीद खान म्हणाले, या कारवाईबद्दल माजीद खान यांनी पालिका अधिकाऱ्यांना सुनावले.
आप आमदार अमानतुल्ला खान म्हणाले की, लोकांनी आधीच त्यांच्या विनंतीवरून अतिक्रमणे हटवली आहेत. "येथील मशिदीबाहेरील वाळूखाना आणि शौचालये यापूर्वी पोलिसांच्या उपस्थितीत हटवण्यात आली होती. अतिक्रमण नसताना ते इथे का आले आहेत? फक्त राजकारण करण्यासाठी?"
 
 
शाहीनबागमधील विध्वंसाच्या ठिकाणी जोरदार नाट्य. अतिक्रमण हटाव मोहिमेला आप, काँग्रेसचा निषेध. भाजपचे आदेश गुप्ता म्हणाले की "आप, काँग्रेस अतिक्रमण करणाऱ्यांना कसे संरक्षण देत आहेत याकडे सर्वजण लक्ष देत आहेत."
आता महाMTBच्या बातम्या आणि लेख मिळवा एका क्लिकवर. Facebook, Twitter, Instagram वर आम्हाला फॉलो करा, महाMTB You tube चॅनलला सबस्क्राईब करा. डाऊनलोड करा महाMTB App.