मत्स्यव्यवसायाला मत्स्यशेतीचा दर्जा द्यावा

 

 

 

 

 

 

कोकणातील कोळीवाड्यांचे सीमांकन करुन त्यांना आद्य-गावठाण चा विशेष दर्जा देण्याबाबत विधानपरिषदेत प्रश्न उपस्थित करण्यात आला होता. यावेळी आपला विषय मांडतांना दरेकर म्हणाले की, महसूल मंत्री मच्छीमारांसाठी प्रामाणिक प्रयत्न करत असून बैठका घेत आहेत. जे पारंपरिक मच्छिमार आहेत, त्यांच्या मागण्या आजही प्रलंबित आहे, कुलाब्यातील गीता नगरला आंदोलनाला आजही काही मच्छिमार बसलेले आहेत. मच्छीमारांसाठी कायदा बनवला आहे. जीआर काढला आहे. परंतु मच्छिमार आज अडचणीत आहेत. कायदा बनवूनही आजही त्यांचे तेच प्रश्न सुटत असतील तर उपयोग काय? असा सवालही त्यांनी यावेळी केला.