नेपाळच्या जमिनी बळकावतेय चीन ; शेवटी नेपाळनेच केले मान्य

नेपाळने आपल्या हद्दीत चीनचा प्रभाव असल्याचा अधिकृत आरोप करण्याची ही पहिलीच वेळ आहे. नेपाळच्या पश्चिमेकडील हुमला जिल्ह्यात चीन घुसखोरी करत असल्याच्या आरोपांना उत्तर म्हणून हा अहवाल गेल्या सप्टेंबरमध्ये सादर करण्यात आला होता. त्यावेळी नेपाळ सरकारने हुमलाच्या उत्तरेकडील भागात असलेल्या नेपाळ-चीन सीमेचा अभ्यास करण्यासाठी गृह सचिवांच्या नेतृत्वाखाली सात सदस्यीय समिती स्थापन केली होती. नेपाळ-चीन सीमेवरील वादाचा अभ्यास करण्यासाठी गृह मंत्रालयाच्या संयुक्त सचिवांच्या अध्यक्षतेखाली ही समिती स्थापन करण्यात आली होती.

 

नेपाळच्या हिंदू नागरी समाज, राष्ट्रीय एकता अभियानाने सोमवारी (७ फेब्रुवारी, २०२२) संयुक्त राष्ट्रांना निवेदन सादर केले. एकता अभियानाचे अध्यक्ष बिनय यादव यांनी संयुक्त राष्ट्राचे निवासी समन्वयक रिचर्ड हॉवर्ड यांना काठमांडू येथे निवेदन दिले. ज्यामध्ये चीनने हुमला जिल्ह्यात त्यांची जमीन बळकावली आहे आणि आंतरराष्ट्रीय समुदायाने चिनी जमीन बळकावण्याकडे लक्ष देण्याची विनंती केली आहे. यासोबतच नागरी समाज संघटनेने नेपाळी काँग्रेसच्या नेतृत्वाखालील सरकारला समितीच्या सूचनेनुसार कारवाई करण्याचे आवाहनही केले आहे.