चॉकलेटचे आमिष दाखवून शाहनवाजने केला पाच वर्षांच्या मुलीवर अत्याचार

 

 

पालघर : महाराष्ट्रातील पालघर जिल्ह्यातून एका १९ वर्षीय तरुणाने ५ वर्षांच्या निष्पाप मुलीवर बलात्कार केल्याची धक्कादायक घटना समोर आली आहे. शाहनवाज शाह असे आरोपी तरुणाचे नाव आहे. बलात्कारानंतर जीवे मारण्याची धमकी दिली. चॉकलेट मिळवून देण्याच्या बहाण्याने आरोपीने त्या मुलीला त्याच्या घरात नेले, घरातून नेऊन तिच्यावर बलात्कार केला आणि जीवे मारण्याची धमकी दिली. या घटनेबाबत कोणाला सांगितल्यास जीवे मारेन, अशी धमकी आरोपीने मुलीला दिली.

 

 

 

या घटनेनंतर मुलगी रडत रडत तिच्या आईकडे गेली तेव्हा मुलीच्या आईला आपल्या मुलीवर झालेल्या क्रौर्याची कल्पना आली. त्यानंतर मुलीच्या कुटुंबीयांनी या प्रकरणाची तत्काळ बोईसर पोलिसांकडे तक्रार केली. तत्परतेने कारवाई करत पोलिसांनी आरोपीविरुद्ध गुन्हा दाखल केला.

 

 

या प्रकरणाबाबत पालघर पोलिसांनी सांगितले की, “५ वर्षांच्या मुलीवर बलात्कार केल्याप्रकरणी १९ वर्षीय शाहनवाज शाह याला अटक करण्यात आली आहे. मुलगी घराबाहेर खेळत असताना आरोपीने तिला चॉकलेटचे आमिष दाखवले होते. सध्या मुलगी रुग्णालयात दाखल असून तिच्यावर उपचार सुरू आहेत."