उद्धवसेनेने रखडलेला प्रश्न फडणवीसांनीच सोडवला - नितेश राणे

 

 

 

 

 

मुंबई : 'उद्धव ठाकरेंच्या शिवसेनेमुळे मुंबईतील जुन्या इमारतींच्या पुनर्विकासाचा प्रश्न रखडला होता. ठाकरेंनी केवळ टक्केवारीचे धोरण राबविल्यामुळे हे प्रश्न इतकी वर्षे सुटू शकले नव्हते. परंतु, राज्याचे उपमुख्यमंत्री देवेंद्र फडणवीस यांनी केलेल्या पाठपुराव्यामुळे हा प्रश्न मार्गी लागला आहे. त्यासाठी मी त्यांचे मनापासून आभार मानत असून यासाठी त्यांचे अभिनंदनही करतो. मुंबईकरांसाठी महत्त्वाचा असलेला पण उद्धवसेनेने रखडवलेला प्रश्न अखेरीस फडणवीसांनीच सोडवला,' असे म्हणत आ. नितेश राणे यांनी उद्धव ठाकरेंवर टीका केली आहे.

 

 

 

 

 

 

 

 'पुनर्विकासासाठी रखडलेल्या इमारतींचा प्रश्न आता कायमस्वरूपी संपलेला असून याची काळजी करण्याची आता काहीही आवश्यक राहिलेली नाही. इतकी वर्षे केवळ उद्धव सेनेच्या टक्केवारीच्या धोरणामुळे हे प्रश्न जैसे थे राहिले. मुंबईकरांवर खोटे प्रेम दाखवण्यात आणि खोट्या स्वप्नांमध्ये रमवण्यापर्यंतच उद्धवसेनेचे काम होते. परंतु, यापुढे आता याची पुनरावृती होणार नाही. जुन्या इमारतींच्या पुनर्विकासासाठी आता चिंता करण्याची गरज नसून फडणवीसांच्या पुढाकाराने या सुटला असल्याने मुंबईवर खरे प्रेम हे भाजपचेच आहे हे पुन्हा एकदा अधोरेखित झाले आहे,'असे नितेश राणेंनी म्हटले आहे.