शरीरप्रकृती आणि रोगप्रवणस्थिती (20)

 

 

 

 

 

 

 

 

पेशीमधील जे ऊर्जाकेंद्रक ज्याला आपण ’मायटोकॉण्ड्रीया’ असे म्हणतो, त्यात ऊर्जा तयार होत नाही व पर्यायाने शरीराला हे घटक कमी प्रमाणात मिळू लागतात व त्यामुळे विविध क्षार, जीवनसत्व व खनिजांची शरीराला कमतरता भासू लागते. शरीराच्या विविध कार्यांना सुरळीतपणे चालवण्यासाठी विविध क्षार, जीवनसत्वे व खनिजांची गरज असते. जर हे योग्य त्या प्रमाणात मिळाले नाही, तर शरीराची कार्ये मंदावतात व त्यानंतर शरीराला कुठल्या ना कुठल्या प्रकारचे आजार होऊ लागतात.

जेव्हा डॉ. हॅनेमान यांनी ‘मायाझम’चा अभ्यास केला, त्यावेळी त्यांनी सोरा, सिफोलीन व सायकोसीस असे तीन प्रमुख ‘मायाझम’ सांगून ठेवले, जे आजाराचे मूळ कारण होते. त्यामधील ‘सोरा’ हा घटक 'Carbo-nitrogenoid constitution' प्रकाराला लागू पडतो.

 

 

या प्रकारच्या शरीर प्रकृतीमध्ये ओझोनची कमतरता असते व कार्बन जास्त असतो. होमियोपॅथीमध्येही अनेक औषधे अशी आहेत की, या प्रकारच्या शरीर प्रकृतीला ती साजेशी आहेत. ज्या होमियोपॅथीच्या औषधांचा ‘हायड्रोकार्बन’ व ‘अल्बुमिमॉईजस’ वर परिणाम होतो व या परिणामानंतर त्यातून ऑक्सिजन म्हणजेच प्राणवायू बाहेर पडतो, अशा औषधांची या शरीर प्रकृतीला फार गरज असते. उदाहरणार्थ, आपण काही औषधांची नावे पाहू, जी यात फार उपयुक्त असतात.

 

 

 

कॅम्फोरा, एकोमाईट नेपॅलस, हरिबीन्थ, डल्कामारा, कॅमोमिला, लायकोपोडीयम, हायोसायमस, डीजिटॅलीस, नक्सव्होमिका इत्यादी.

 

 

प्राणिजन्य औषधांमध्ये- एपिस मेलीफिका.

 

 

 

क्युपरम मेटॅलिकम, फॉस्फरस, सल्फर, मरक्युरी, ऑरममेट, अर्जेंटम, प्लंबम मेटॅलिकम, प्लॅटिनम मेटॅलिकम इत्यादी औषधे येतात.

 

 

यापुढे या शरीर प्रकृतीचे काही महत्त्वाचे गुणधर्म आपण पाहणार आहोत.

 

- डॉ. मंदार पाटकर