दिल्लीत नरेंद्र आणि गुजरातमध्ये पुन्हा भूपेंद्रच! : पंतप्रधान

 

 

वापी  ( Narendra Modi ) : पंतप्रधान नरेंद्र मोदी हे गुजरात दौऱ्यावर आहेत. विधानसभा निवडणुकीच्या पार्श्वभूमीवर ते रविवारी (२० नोव्हेंबर २०२२ ) ४ निवडणूक रॅलींना संबोधित करणार आहेत. त्यापूर्वी त्यांनी सोमनाथ मंदिराला भेट दिली. तेथे त्यांनी भगवान शंकराची पूजा करून पंचामृत अभिषेक केला. त्यानंतर त्यांनी सोमनाथ जिल्ह्यातील वेरावळ शहरात भाजपच्या सभेला संबोधित केले.

 

 

वेरावळ शहरात झालेल्या निवडणूक सभेत गुजरातच्या जनतेला संबोधित करताना पंतप्रधान नरेंद्र मोदी म्हणाले की, निवडणुका हा लोकशाहीचा उत्सव असतो. जनतेला अधिकाधिक मतदान करण्याचे आवाहन करून ते म्हणाले की, यावेळी मतदान केंद्रात सर्व विक्रम मोडायचे आहेत. सर्व ओपिनियन पोल, आकडेवारी आणि वृत्तवाहिन्या भाजप पुन्हा एकदा निवडून येणार असल्याचे सांगत आहेत.

 

 

या सभेत ते म्हणाले कि, “लोक मला विचारतात की तू एवढी तुम्ही इतकि धावपळ का करता? मी त्यांना सांगू इच्छितो की ते माझे कर्तव्य आहे. मी तुमच्यासाठी माझे कर्तव्य करतो, त्यामुळे तुम्हीही मतदान करून कर्तव्य बजावले पाहिजे.

भाजप कार्यकर्त्यांना प्रोत्साहन देताना पंतप्रधान म्हणाले की, भाजपच्या लोकांना जास्त विचार करण्याची गरज नाही, त्यांना फक्त त्यांचे बूथ जिंकण्याची चिंता आहे. भाजप कार्यकर्त्यांनी आपापल्या बूथवर विजय मिळवला तर येथे आपोआपच भाजपचे सरकार स्थापन होईल, असेही ते म्हणाले.

 

 

गुजरातच्या भूतकाळातील आणि सध्याच्या परिस्थितीबद्दल बोलताना पंतप्रधान म्हणाले की, दोन दशकांपूर्वीपर्यंत लोक गुजरातला दुष्काळग्रस्त राज्य मानायचे आणि त्याचा विकास कसा होईल. जिथे पाणी नाही, सततच्या दुष्काळामुळे जनतेची अवस्था बिकट आहे, अशा राज्याचा विकास कसा होणार? गुजरातमधील लोक केवळ व्यापारी आहेत, असे पूर्वीचे लोकांचे मत होते, असेही ते म्हणाले. पण, सरकारने पाण्याची व्यवस्था केली, दुष्काळी भागात पाणीपुरवठा केला. गुजरात आज कुठे आहे याकडे संपूर्ण जगाचे लक्ष लागले आहे.

 

 

आवास योजना, शौचालय योजना, उज्ज्वला योजना आणि हर हर नल कनेक्शन यांसारख्या महत्त्वाकांक्षी योजनांबद्दल बोलताना पंतप्रधान मोदी म्हणाले की, या योजनांमुळे राज्यातील माता-भगिनींना खूप फायदा झाला आहे. मातांना त्रासातून मुक्त करण्यासाठी सरकारने पुढाकार घेतला असून त्यांचा त्रास बऱ्याच अंशी संपला आहे.

 

 

कोविड-१९ मुळे उद्भवलेल्या समस्या आणि संकटकाळात सरकारने केलेल्या उपाययोजनांचा उल्लेख करून सरकारने मोफत अन्नधान्य पाठवून कोणत्याही घरात माता आणि बालकांना उपाशी झोपू दिले नाही. राज्यातील पर्यटन, कृषी आणि दूध उद्योगाच्या विकासाचा फायदा शेतकऱ्यांना झाला आहे. नरेंद्र मोदी दिल्लीत जनतेची सेवा करतील, तर भूपेंद्र गुजरातमध्ये सेवा करतील, असे पंतप्रधान मोदी म्हणाले. जनतेला डबल इंजिन सरकार सांभाळावे लागते.