युक्रेनमधील सामान्य लोक बनावट बंदुकांनी लढण्याचा करत आहेत सराव , सैनिक देत आहेत प्रशिक्षण

कीव : युद्धबंदीनंतरही रशिया आणि युक्रेनमध्ये तणाव कायम आहे. रशियन सैन्य युक्रेनला जमिनीवर तसेच समुद्रात वेढा घालत आहे. राजनयिकांची बोलणी रुळावरून घसरल्यास युक्रेनच्या पूर्व सीमेवर युद्ध सुरू होण्याची शक्यता वर्तवली जात आहे. संभाव्य रशियन हल्ल्याचा धोका लक्षात घेऊन युक्रेनमधील सामान्य जनताही सज्ज झाली आहे. बनावट बंदुकांच्या माध्यमातून कोणत्याही धोक्याचा सामना करण्यासाठी सामान्य लोक लष्करासोबतच स्वत:च्या इच्छेने लष्करी सराव करत आहेत.

 

२०१४ मध्ये रशियाने क्रिमियाला जोडल्यानंतर देशात प्रादेशिक संरक्षण दलाची स्थापना करण्यात आली. या सरावात सामान्य जनतेला हल्ल्याच्या गुरिल्ला तंत्रासह बंदूक हाताळण्याच्या मूलभूत गोष्टी शिकवल्या जात आहेत.

 लष्करासोबत सराव करणाऱ्यांना आजही तो काळ आठवतो जेव्हा रशिया आणि युक्रेन हे दोघे भाऊ होते. मात्र, आता परिस्थिती बदलली आहे. होनचारुक म्हणतात की त्यांनी हे युद्ध का सुरू केले? कारण ते युक्रेनला राष्ट्र म्हणून स्वीकारत नाहीत. ते युक्रेनियन आणि बेलारशियन लोकांना रशियन मानतात, परंतु द्वितीय श्रेणीतील रशियन आहेत.