ब्यूटी पार्लर चालवणाऱ्या महिलेवर नाशिकमध्ये बलात्कार; आरोपीने चाकूचा धाक दाखवून केला अत्याचार

नाशिक - राज्यामध्ये महिला अत्याचाराची प्रकरण दिवसागणिक वाढत आहेत. साकीनाक्यामधील क्रूरपणे महिलेवर झालेल्या अत्याचाराची घटना ताजी असताना नाशिकमधून खबळजनक घटना समोर आली आहे. ब्यूटी पार्लर चालणाऱ्या महिलेवर बलात्कार झाल्याची धक्कादायक नाशिकमध्ये समोर आली आहे. पार्लरमध्ये पूजा करत असताना दुकानात शिरुन आरोपीने महिलेवर बलात्कार केल्याचा आरोप आहे. सराईत गुन्हेगाराने चाकूचा धाक दाखवून व्यावसायिक महिलेवर बलात्कार केला.

 

 

हा आरोपी खुनाच्या गुन्ह्यात जेलमधून पॅरोलवर सुटला होता. त्यानंतर तो फरार झाला. पोलीसांकडून त्याचा शोध सुरु असतानाच त्याने बलात्काराचा गुन्हा केला. नाशिक पोलीस आयुक्त दीपक पांडे अंबड पोलीस ठाण्यात दाखल झाले असून आरोपीच्या मुसक्या आवळण्यासाठी पोलिसांची चार पथकं रवाना झाली आहेत.