अनिल देशमुखांच्या अडचणीत वाढ; ईडी,सीबीआयनंतर आता घरावर इनकम टॅक्सचा छापा

मुंबईचे माजी पोलीस आयुक्त परमबीर सिंग यांनी अनिल देशमुख यांच्यावर १०० कोटी रुपयांच्या वसुलीचे आरोप केले होते. याप्रकरणी परमबीर सिंग यांनी मुख्यमंत्र्यांना पत्रही लिहिलं होतं. सचिन वाझे आणि अन्य काही पोलीस अधिकाऱ्यांना देशमुख यांनी १०० कोटी रुपयांच्या वसुलीचं टार्गेट दिलं होतं, असा आरोप परमबिर सिंह यांनी या पत्रात केला होता.मुंबईत १७५० बार आणि रेस्टॉरंट आहेत, आणि प्रत्येकाकडून २ ते ३ लाख रुपये घेतले तरी महिन्याला ४० ते ५० कोटी वसूल होतील, असा आरोप सिंह यांनी या पत्रात केला होता. या आरोपांनंतर अनिल देशमुख यांना गृहमंत्रीपदाचा राजीनामा द्यावा लागला होता.