या मुर्दाड सरकारसाठी हा फक्त एक आकडा : चित्रा वाघ

साकीनाकाच्या खैरानी रोड परिसरात ही धक्कादायक घटना घडली होती. आरोपीने बलात्कारानंतर पीडितेच्या गुप्तांगात लोखंडी सळई टाकण्याचे संतापजनक आणि अमानुष कृत्य केले. एका टेम्पोमध्ये हा सगळा प्रकार करण्यात आला. या घटनेमुळे स्थानिकांकडून रोष व्यक्त केला जात आहे. संबंधित घटना ही गुरुवारी मध्यरात्री ९ ऑगस्ट पहाटे ३ वाजताच्या सुमारास घडली होती.

 

 

आरोपीने भररस्त्यात उभ्या असलेल्या टेम्पोमध्ये हे कृत्य केलं होतं आणि त्या परिसरात लावण्यात आलेल्या सीसीटीव्ही कॅमेऱ्यात आरोपी मारहाण करत असल्याचे दिसत आहे. या प्रकरणी पोलिसांनी आरोपीला अटक केली आहे. प्राथमिक तपासात तिच्यावर बलात्कार झाल्याचे आणि गुप्तांगात लोखंडी रॉड घालण्यात आल्याचे आढळले. संबंधित टेम्पोमध्येही रक्त आढळले आहे. या संदर्भात काही माहिती मिळाल्यानंतर पोलिसांनी चौहानला अटक केली.