विमान अपघात झाला अन् त्यांना देव भेटला! : वाचा सविस्तर

जळगांव : जिल्ह्यातील चोपडा तालुक्यातील वर्डी गावानजीक सातपुडा पर्वतात काल अचानक एक छोटे विमान कोसळले. परंतु आजूबाजूच्या परिसरातील मजूर शेतकरी वर्ग असल्याने त्यांना मोठा आवाज ऐकू आला व त्यांनी त्या दिशेने धाव घेतली व बचावकार्य सुरू केले.

 

 

 

 

दाट झाडी आणि रस्ता नसल्यामुळे घटनास्थळी पोहचण्यासाठी खूप अडचणी आल्या.

 

 

 

 

 

घटनास्थळी आल्यानंतर लोकांना काय करावे हे सुचेना. तेव्हा त्यांनी गावात फोन करून याची माहिती दिली. काही वेळानंतर पोलिसही आले. थोड्या वेळात रुग्णवाहीकेशी संपर्क झाला परंतु मुख्य रस्त्यापर्यंत ३ ते ४ किमी अंतर पायी जावे लागणार होते.

 

 

 

 

 

 

तेव्हा बांबूंना कापड बांधून त्यात जखमींना घेऊन जाण्याचे प्रयत्न सुरू झाले. उपस्थित तरुणांनी अंगावरील शर्ट फाडून बांबूला झोळी बांधली व तात्काळ जखमींना रुग्णवाहीकेपर्यंत जाऊन दिले.

 

 

 

 

 

विमानात असलेल्या एका व्यक्तीचा जागीच मृत्यू झाला तर वैमानिक तरुणी गंभीर जखमी झाली. सध्या तिच्यावर दवाखान्यात उपचार सुरू आहेत. या घटनेत नागरिकांनी जे प्रसंगावधान व तत्परता दाखवली ती खरोखर कौतुकास्पद अशी आहे. आपण बऱ्याचदा असे काही अपघात किंवा घटना घडल्यानंतर उदासीन समाजभान बघतो. परंतु वर्डी येथील नागरिकांनी मानुसकी व परोपकाराचे उत्तम उदाहरण समाजासमोर ठेवले आहे.