'हा वाघ नक्कीच सर्कशीतला असावा'; नारायण राणेंचा टोला

लोणावळ्यात आयोजित ओबीसी चिंतन बैठकीत विजय वडेट्टीवार भाषण करताना म्हणाले की,"मी अशा भागातील राहतो जेथे भरपूर वाघ आहेत. त्यामुळे मी माझ्या खात्यात पैसे आले तर परत जाऊ देणार नाही." यावर व्यासपीठावर बसलेल्या भाजप नेते चंद्रशेखर बावनकुळे यांनी एक वाघ नाना पटोले यांच्याकडेही पाठवा असं सांगितलं. त्यावर विजय वडेट्टीवार यांनी," आम्ही वाघ पाठवू, पण तो वाघ आमच्याच इशाऱ्याने चालतो. कारण तो आमचा वाघ आहे," असं म्हणत अप्रत्यक्षरित्या शिवसेनेला टोला लगावला. यानंतर सभागृहात एकच हशा पिकला होता.