भाजप आमदार आयलानी यांच्या वाहनावर हल्ला

उल्हासनगर : उल्हासनगर विधानसभेचे आमदार कुमार आयलानी यांच्या वाहनावर शनिवारी रात्री उशीरा हल्ला झाला. यात त्यांच्या वाहनाचे नुकसान झाले. शनिवारी रात्री १० वाजता भाजप आमदार कुमार आयलानी यांचे पुत्र धीरज आयलानी त्यांचे वाहनाने उल्हासनगर महापालिकेच्या मागील बाजूस आंबे स्पोर्टक्लब जवळ उभे होते.

एका तरुणाने दगडाने त्यांच्या वाहनावर हल्ला केला. या प्रकारात धीरज आयलानी थोडक्यात बचावले असून त्यांच्या वाहनाचे नुकसान झाले आहे. या प्रकरणाची माहिती मिळताच मध्यवर्ती पोलिसांनी घटनास्थळी धाव घेत गुन्हा दाखल केला आहे. या हल्ल्याबाबत अधिक तपास पोलीस करत आहेत.