कोरोना काळात लहान मुलांची काळजी कशी घ्याल ?

कोरोनाच्या दुसऱ्या लाटेचा धोका वयस्करांपेक्षा तरुणांना आणि लहान मुलांना जास्त असल्याची भीती व्यक्त केली जात आहे. कोरोनाच्या तिसऱ्या लाटेबद्दलची सतर्कता म्हणून राज्यात टास्क फोर्स स्थापन केली जाणार आहे. आरोग्यमंत्री राजेश टोपे यांनी याबद्दलची घोषणाही केली आहे.

 

 

 

 

ताप, खोकला, श्वास घेण्यास त्रास, सर्दी-पडसे, घसा खवखवणे, वाहते नाक, थंडी वाजणे, स्नायू वेदना, डोकेदुखी, चव किंवा वास न यणे, मळमळ वांती, अतिसार आणि थकवा आदींसारखी लक्षणे आढळत आहेत. काही मुलांना शरीरात जळजळ होते. कोरोनाची लागण झाल्यावर बऱ्याच आठवड्यानंतरही शरीरात जळजळ होऊ शकते. मुलांमध्ये आढळणारे 'मल्टी सिस्टम इंफ्लामेंट्री सिंड्रोम' (एमआयएससी) कोरोनाशी संबंधित आहेत का याचा तपास डॉक्टर करत आहेत.

 

 

 

 

ताप, पोटदुखी, उलट्या किंवा अतिसार, पुरळ उठणे, मानदुखी, डोळे लाल होणे, थकवा जाणवणे, लाल व्रण उठणे, हात किंवा पाय सुजलेल्या ग्रंथी असा त्रास जाणवतो.

 

 

 

 

पाहिल्या लाटेवेळी कोरोना मुलांवर प्रभाव करत नसला तरी दुसऱ्या लाटेत त्याने आक्राळविक्राळ रुप घेतले असे, तज्ज्ञाचे मत आहे. याचे कारण म्हणजे कोरोनाच्या विषाणूत सातत्याने बदल होत आहेत. लहान मुलांसाठी वेगळी लस निर्माण करता येईल या याबद्दलचे संशोधन काही देशांमध्ये सुरू आहे. त्यामुळे लस येईपर्यंत मुलांची काळजी घेण्याचा सल्ला दिला जात आहे. कारण मुलांवर उपचार करत असताना प्रौढांना देण्यात येणारी औषधे देऊन चालत नाही. मुलांना कोरोना झाला तर त्याचा परिणाम त्यांच्या प्रतिकारशक्तीवर होतो.

 

 

 

 

१. अशी लक्षणे आढळल्यास घाबरून जाण्याचे कारण नाही

 

२. मुलांना कुठलीही लक्षणे आढळल्यास डॉक्टरांना भेटा. डॉक्टर तपशीलवार रुग्णाचा इतिहास जाणून घेतील. त्यानुसार, तुमचा इतिहास जाणून परिस्थितीचे आकलन करतील.

 

३. कोरोना रुग्णाशी संपर्क आल्यास डॉक्टर कोविड टेस्टचा सल्ला देऊ शकतात

 

 

४.मुलांना ताप आणि इतर लक्षणांवर उपचार नियमित औषधोपचाराने बरे केले जाऊ शकतात. त्यामुळे बालरोग तज्ज्ञांनी दिलेल्या सूचनांनुसार, उपचार करणे महत्वाचे आहे.

 

 

५. मुलांच्या खेळण्याच्या सवयीमुळे त्यांना अशा काळात थकवा जाणवू शकतो. त्यामुळे त्यांना या काळात विश्रांतीची खूप गरज असते. पुरेसे पाणी आणि द्रवस्वरुपातील आहाराचा सल्ला डॉक्टर देऊ शकतात.

 

 

६. मुलांना जर तातडीने वैद्यकीय मदतीची गरज भासू शकते. त्यामुळे चिन्हे पहा. श्वास घेण्यास होणाऱ्या अडचणी, धाप लागणे, झोप येणे, खाण्यापिण्याच्या तक्रारी जाणवल्यास त्वरित डॉक्टरांशी संपर्क करा.

 

 

१. कोरोना प्रतिबंधासाठी मुलांची भूमिका महत्वाची ठरू शकते. त्यांना योग्य सवयी लहानपणापासूनच लावल्यास भविष्यात होणाऱ्या चुका टळू शकतात. आरोग्य सृदृढ ठेवणाऱ्या सवयींमध्ये त्यांची भूमिका महत्वाची असेल. तसेच मुले या सवयी इतरांनाही प्रभावीपणे सांगू शकतात.

 

 

२. किमान २० सेकंद साबण आणि पाणी वापरून हात धुणे. सॅनिटायझरचा वापर योग्य प्रकारे करणे त्यांना शिकवावे.

 

 

३. डोळे, नाक, आणि तोंडाला वारंवार स्पर्श करू नये. हात धुतल्याशिवाय डोळ्यांना स्पर्श करू नये.

 

 

४. मुले शिंकत किंवा खोकत असताना कोपर वापरणे, तोंड किंवा नाक झाकून ठेवतात का याची खात्री करावी. रुमाल किंवा वापरलेल्या टीश्यूची व्यवस्थित व्हीलेवाट लावतात का याची काळजी घ्यावी.

 

 

५. मुलांनी वापरलेली खेळणी, घरातील वस्तू, रिमोर्ट स्वच्छ ठेवावेत.

 

 

६. आपल्या कृतीतून मुलांना शिकवा. मुले मोठ्यांचे अनुकरण करतात. त्यामुळे स्वच्छता राखण्याचे संस्कार त्यांना आपसूक येत जातील.

 

 

१. लॉकडाऊनमुळे बहुतेक शाळा बंद आहेत. ऑनलाईन शिकवण्या सुरू आहेत. त्यामुळे बराचसा वेळ त्यांच्याकडे विरंगुळ्यासाठी असतो.

 

 

२. घरगुती खेळ, पुस्तके कोडी सोडवणे आदी कामे मनोरंजनासाठी असतील. मोबाइल गेममध्ये सतत राहण्यापेक्षा चिकटून राहण्यापासून प्रतिबंधित करण्याचा एक मार्ग.

 

 

३. मुले टीव्ही पाहण्यात किंवा संगणक लॅपटॉपवर बराच वेळ घालवतात. त्यांची ही सवय मोडण्यासाठी काही बंधने आखून घ्यायला हवीत.

 

 

४.पेंटिंग, स्टोरीबुक वाचणे, स्वयंपाक इत्यादी छंद जोपासण्यासाठी मुलांना प्रोत्साहित केले जाऊ शकते.

 

त्यामुळे मुलांपर्यंत योग्य उपचार करण्यासाठी डॉक्टरांचा सल्ला घ्या ! घरी रहा सुरक्षित रहा...