अयोध्या : कोरोना महामारीशी लढण्यासाठी आता रुग्णांना ऑक्सिजनची तातडीने गरज आहे. देशात सुरू असलेल्या ऑक्सिजन टंचाईबद्दल आता 'श्री रामजन्मभूमी तीर्थ क्षेत्र ट्रस्ट'तर्फे आता ऑक्सिजनचा पुरवठा करण्याचा निर्णय घेण्यात आला आहे. त्याअंतर्गत दोन ऑक्सिजन प्लांटची उभारणी केली जाणार आहे.
कोरोना काळात अनेक हिंदू संस्थांनी स्वतःहून पुढाकार घेत देशाला मदत करण्याची तयारी दर्शवली आहे. देशात ऑक्सिजनचा वाढत चाललेला तुटवडा पाहता श्रीराम जन्मभूमि तीर्थ क्षेत्र न्यासतर्फे ऑक्सिजन प्लांट उभारणीचा निर्णय घेण्यात आला आहे. अयोध्येतील दशरथ वैद्यकीय महाविद्यालयात हे प्लान्ट उभारले जाणार आहेत. त्याचा संपूर्ण खर्च न्यासातर्फे उचलला जाणार आहे.