विराट विरुद्ध बीसीसीआय : द्रविडने सोडले मौन

 

मुंबई : भारतीय क्रिकेट संघ सध्या दक्षिण आफ्रिकेच्या दौऱ्यावर आहे. या दरम्यान दोन्ही संघांमध्ये २६ डिसेंबर रोजी 'बॉक्सिंग डे टेस्ट' सुरु होणार असून यात तीन वन-डे आणि तीन टेस्ट सामन्यांच्या मालिका होणार आहेत. दरम्यान भारतीय क्रिकेट संघाचा कर्णधार विराट कोहली आणि बीसीसीआय यांच्यातील वाद पुन्हा एकदा चव्हाट्यावर आला आहे. २५ डिसेंबर रोजी संध्याकाळी झालेल्या पत्रकार परिषदेत कॅप्टन विराट कोहली ऐवजी राहुल द्रविडने पत्रकारांना संबोधित केल्याचे दिसले.

"कर्णधार निवडणे हे काही माझं काम नाही, ते निवड समितीचं काम आहे. आमचं संपूर्ण लक्ष हे कसोटी मालिकेवर आहे. मालिका जिंकण्यासाठी तुम्ही कुठल्याही एका खेळाडूवर अवलंबून राहू शकत नाही. यात प्रत्येकाची भूमिका महत्त्वाची असते", असे द्रविडने पत्रकार परिषदेत सांगितले.