वानखेडेंबद्दल पोस्ट करण्यावर बंदी! नवाब मलिकांना दणका!

 

दरम्यान, मंत्री मलिक यांनी गुरुवारी सकाळपासूनच मलिकांवर आरोपांच्या फैरी सुरूच ठेवल्या होत्या. आईच्या अंत्यसंस्कारासाठी मुस्लिम आणि सरकारी कागदपत्रांसाठी हिंदू?; असा आरोप समीर वानखेडेंवर केला. रोज नवनवे खुलासे करणाऱ्या नवाब मलिक यांनी यावेळी पुन्हा एकदा समीर वानखेडे यांच्या धर्माबाबत प्रश्नचिन्ह उपस्थित केले. यावेळी त्यांनी समीर वानखेडे यांच्या आईच्या मृत्यूपत्राचे दाखले शेअर केले आहेत. यामधील एका दाखल्यात हिंदू तर दुसऱ्यात मुस्लिम असा उल्लेख आहे, असे ते म्हणाले.

 

 

याआधी नवाब मलिक यांनी दोन व्यक्तींचा फोटो ट्विट करत हा फोटो निकाहच्या वेळच्या असल्याचा दावा केला होता. “कबूल है, कबूल है, कबूल है… यह क्या किया तुने समीर दाऊद वानखेडे?”, अशा कॅप्शनसहीत मलिक यांनी हा फोटो शेअर केला होता. या फोटोमध्ये डावकडे बसलेली व्यक्ती ही समीर वानखेडे असल्याचा दावा करण्यात येत आहे. तर या व्यक्तीच्या समोर बसलेली व्यक्ती मुस्लीम धर्मगुरु असून फोटोत दिसणारे वानखेडे हे निकाहनाम्यावर स्वाक्षरी करत असल्याचा दावा करण्यात आला आहे. फोटोमध्ये जी व्यक्ती समीर वानखेडे असल्याचा दावा केला जातोय तिने मुस्लीम बांधव घालतात त्याप्रमाणे डोक्यावर गोल टोपी घातल्याचं दिसत आहे. दरम्यान, काही दिवसांपूर्वीच मलिक यांनी वानखेडे यांचा वाशीमध्ये एक बार असल्याचा दावा केला होता. वानखेडे यांच्या नावे या बारचा परवाना असल्याचं म्हटलं होतं.