कोविडने मृत्युमुखी पडलेल्यांच्या कुटुंबियांना आधार

२०२० मध्ये ४५०० पेक्षा जास्त तर ह्या वर्षी ५००० पेक्षा जास्त कुटुंबीयांकडे दिवाळी फराळ पाठवण्यात आला आहे. ह्या उपक्रमाची माहिती देताना ''गेल्या दीड-पावणे दोन वर्षात जवळपास साडेनऊ हजार कुटूंबियांच्या घरी दुःखाचे सावट होते. ज्यांनी कुटूंबियांतील सदस्य गमावले, त्यांचे दुःख कमी होणारे नसले तरी अशा कुटूंबियांना आधार देणे आवश्यक होते. म्हणूनच त्यांना आधार देण्याच्या प्रयत्नाचा भाग म्हणून संदेशपत्र आणि फराळ पोहोचवत आहोत'' अशी माहिती पुण्याचे महापौर मुरलीधर मोहोळ यांनी दिली. कोरोनाच्या संकटकाळात एकूणच नकारात्मक वातावरणात निर्माण झाले होते, त्यात कोरोनाची लागण होऊन अनेक जण मृत्युमुखी पडले. ह्या पार्श्वभूमीवर दुःखाचा डोंगर मागे सारून नवी पहाट अशा कुटूंबियांमध्ये आणणे आवश्यक होते.