एनसीबीचे सिंघम समीर वानखेडेंच्या सुरक्षेत वाढ

मुंबई : महाराष्ट्रामध्ये गेले काही महिने ड्रग्स तस्करी आणि बॉलीवूडचे ड्रग्स कनेक्शन सर्वांसमोर आले. एनसीबीच्या टीमने अनेक ठिकाणी धाडी टाकत अनेक बड्या सेलिब्रेटींना अटक केली. यामध्ये एनसीबीचे प्रादेशिक संचालक समीर वानखेडे यांनी केलेल्या कामगिरीचे चांगलेच कौतुक होत आहे. अशामध्ये आता एनसीबीकडून त्यांच्यावर हेरगिरी होत असल्याची शंका व्यक्त होत आहे. याच पार्श्वभूमीवर आता त्यांची सुरक्षा वाढवली आहे.

 

 

 

समीर वानखेडे सध्या क्रूझवर सापडलेल्या अमली पदार्थांच्या तपासाची देखरेख करत आहेत. समीर वानखेडे यांनी दावा केला होता की, दोन पोलीस त्यांच्या हालचालींवर लक्ष ठेवून आहेत. त्यामुळे मुंबई पोलिसांनी त्यांचा सुरक्षेसाठी आणखी ४ पोलीस तैनात केले आहेत. वानखेडे वापरत असलेल्या वाहनाची जागा त्यांच्या नवीन सुरक्षा व्यवस्थेचा भाग म्हणून एक एसयूव्ही देण्यात आली आहे. दक्षिण मुंबईतील बॅलार्ड इस्टेट येथील एनसीबी कार्यालयाबाहेर तैनात पोलीस कर्मचाऱ्यांची संख्याही वाढवण्यात आली आहे, अशी माहिती मिळत आहे.

 

 

मुंबई पोलिसांचे दोन कर्मचारी साध्या वेशात पाठलाग करत असल्याची तक्रार एनसीबीचे झोनल डायरेक्टर समीर वानखेडेंनी केल्याचे एनसीबीच्या एका अधिकाऱ्याने सांगितले होते. त्यांनी मुंबई पोलिसांच्या काही वरिष्ठ अधिकाऱ्यांची भेट घेत त्यांच्याकडे याविषयीची तक्रारही केली होती.