'अन्यायाविरोधात आवाज उठवत राहणार. ना डरूंगी, ना झुकूँगी'...

मुंबई : शिवसेनेला मुंबई कुणाच्या बापाची नाही, मुंबईत येत आहे हिंमत असेल तर अडवून दाखवा असे खुले आव्हान देणारी बॉलिवूड अभिनेत्री कंगना रनौत आज मुंबईला येत आहे. हिमाचल प्रदेशमध्ये कंगनाची कोरोना चाचणी निगेटीव्ह आल्यानंतर तिचा मुंबईत येण्याचा मार्ग मोकळा झाला आहे. मात्र, मुंबई आणि मुंबई पोलिसांवर केलेल्या वादग्रस्त वक्तव्यामुळे तिच्या आगमनाच्या पार्श्वभूमीवर मुंबईत तणावपूर्ण स्थिती आहे

कंगनाने मुंबईत येण्यापूर्वी ट्विट करत ती म्हणाली,"राणी लक्ष्मीबाई यांच्या धैर्य, शौर्य आणि बलिदानाला मी चित्रपटातून जगले आहे. मात्र, मला माझ्याच महाराष्ट्रात येण्यापासून रोखलं जात आहे. मी राणी लक्ष्मीबाई यांच्या पावलावर पाऊल टाकून घाबरणार नाही आणि झुकणारही नाही. चुकीच्या गोष्टींविरोधात नेहमी खुलेपणाने विरोध करेल. जय महाराष्ट्र, जय शिवाजी". मंडीहून चंदीगडला जाताना कंगनाने हमिरपूर जिल्ह्यातील एका मंदिरात थांबून दर्शन घेतले.कंगना रनौतच्या दुसऱ्या कोरोना चाचणीचा अहवाल निगेटीव्ह आला. यानंतर कंगना सकाळी रस्त्याने मंडीहून चंदीगढला जात आहे. त्यानंतर ती विमानाने चंदीगडहून मुंबईला येईल. आज दुपारी १२ वाजून १५ मिनिटांनी तिची फ्लाईट आहे. दरम्यान याआधी कंगनाचे कोरोना चाचणीसाठीच्या सॅम्पलमध्ये काही त्रुटी निघाल्या होत्या. त्यामुळे पुन्हा तिचे कोरोना चाचणीसाठीचे नमुने घेण्यात आले.अशातच कंगनाच्या मुंबई दौऱ्यासाठी कंगनाला केंद्रीय गृहमंत्र्यांकडून कंगनाला 'वाय' सुरक्षा देण्याचा निर्णय घेतला आहे. तसेच कंगना गेल्या काही दिवसांपासून मुंबई पोलिसांवर सातत्याने टिका करते आहे.