धक्कादायक! रुग्णवाहिका न मिळाल्याने कोरोनाग्रस्ताचा मृत्यू

 

 

  

नागपूर : नितीन अड्याळकर या नागपूरमध्ये राहणाऱ्या कोरोनाग्रस्त तरुणाचा रुग्णवाहिकेअभावी मृत्यू झाला आहे. वेळेवर रुग्णवाहिका उपलब्ध झाली असती तर त्याचा जीव वाचू शकला असता, अशी खंत त्याच्या नातेवाईकांनी केली आहे. नितीन यांना कोरोनाची बाधा झाली होती. त्यामुळे घरीच विलगीकरण कक्षात राहण्याचा निर्णय त्यांनी घेतला होता. मात्र, रुग्णाची प्रकृती खालावल्याचे समजताच त्यांना रुग्णालयात हलवण्यासाठी कुटूंबाने हालचाल केली मात्र, ऑक्सिजनयुक्त रुग्णवाहिका नसल्याने त्यांचा जीव गेला असल्याचा आरोप कुटूंबीयांनी केला आहे.